賭王何鴻燊四房兒子現年24歲的何猷君（Mario），2017年撻着較他年長6歲的國際超模奚夢瑤，近期更屢傳「好事近」，昨日猷君動用99,999朵玫瑰將母親旗下喺上海嘅商場打造成電玩遊戲《瑪利歐兄弟》（Super Mario）場景向女友求婚。同名的猷君化身Mario，至於奚夢瑤則化身「碧姬公主」，穿上粉紅色公主裝。
猷君被壞蛋mark實。
奚夢瑤被押走。
猷君化身Mario。
英雄救美。
猷君上演英雄救美獨腳戲
猷君原本拖住奚夢瑤出場，但之後奚夢瑤畀遊戲反派角色庫巴強搶。後來猷君扮「瑪利歐」獨腳戲玩足兩分鐘，勇救「公主」奚夢瑤後，喺歌舞伴隨下進場。現場所見，着平底鞋嘅奚夢瑤步履緩慢兼看似肚凸凸，孕味甚濃，而猷君亦全程扶到實。
望落肚凸凸。
Toadette尷尬陪入場
奚夢瑤由一群扮演成Super Mario角色「粉紅Toadette奇諾比珂」嘅Dancers送到去好友陳學冬面前，陳學冬用粉紅色絲帶為奚夢瑤蒙眼。
有一種浪漫叫活着Viva
擅長彈琴嘅猷君換上黑色背心化身「搖滾王子」，邊彈結他邊唱謝霆鋒代表作《活着Viva》，台下的奚夢瑤邊聽邊感動爆喊，不時擁抱身邊好友。不過唔少網民都問，到底求婚同《活着Viva》有咩關係。
台下都high到好尷尬。
白馬王子華麗現身
表演結束後，猷君換上全白西裝，以「白馬王子」造型跪地求婚，深情地以普通話、英語及廣東話向女友高呼「我愛你」：「你是很有愛很有愛的女人，你會為我思考，分擔我的顧慮。你是特別純真的小孩，我跟你在一起，都覺得特別安全，不需要懷疑你會傷害或欺騙我，我知你對我的付出是百分百真誠。之後我是你的，有怎樣的壓力、委屈，我幫你解決，跟你過日子，是我人生最幸福的事情。」之後他激動地說：「還記得我在澳門問過你，你覺得咱倆有可能在一起嗎？今天這個問題要變成：『小明，你覺得咱倆可以永遠在一起嗎？』奚夢瑤，Marry me？（嫁給我嗎？）」隨即遞上戒指，奚夢瑤點頭答應，他即興奮大叫：「She said yes！」並與女友甜蜜擁吻。
視名牌盒如糞土
猷君喺價值約港幣＄13,000嘅名牌飾物盒上用簡體字寫上「小明，你覺得咱兩有可能在一起嗎？」，然後畫上Yes or No選項。有網民話此舉令到名牌飾物盒即刻變咗好似幾十蚊嘅禮物盒，不過其實猷君呢個舉動係呼應番佢自己追奚夢瑤時都問過一個差唔多嘅問題。
{{hket:inline-image name="768x432_xi-main.jpg"}}{{/hket:inline-image}}
其實都幾浪漫嘅……
{{hket:inline-image name="tS_E7mTJLN68fH0Oxny9OCyFlKT-kIs9Grx7-Bq8e_g.jpg"}}{{/hket:inline-image}}